25/19 ընտրատեղամասում արձանագրվել է դեպք, երբ քվեարկողին աջակցող անձը քվեախցիկում գտնվել է միայնակ։ Factor TV-ի լրագրողի դիտարկմանը, թե ինչու է ընտրողը նստած եղել դրսում, իսկ օգնողը՝ միայնակ քվեախցիկում, 25/19 տեղամասային ընտրական հանձնաժողովի նախագահը պարզաբանել է, որ դա տեխնիկական խնդիր շտկելու նպատակով է եղել։ «Օգնողի հետ ինքը գնացել էր խցիկի մոտ։ Թերթիկը ծրարի մեջ ծալված վիճակում էին դրել․ պիտի ինքը գնար ուղղելու թերթիկը։ Հետո արդեն տարեց մարդ էր, հիվանդ էր, ինքն այնտեղ նստեց։ Վերջացրել էր, ինքը գնաց ուղղեց, եկավ։ Ինձ թվում է՝ խնդիր ես չեմ տեսնում էլի։ Միայն քվեաթերթիկը ուղղելու խնդիր կար»,- նշել է հանձնաժողովի նախագահը։ Անդրադառնալով ընտրողների մասնակցությանը՝ նա հայտնել է, որ ժամը 12:45-ի դրությամբ 25/19 ընտրատեղամասում քվեարկությանը մասնակցել է ընտրողների շուրջ 30-40%-ը։ «Նորմալ է շարժը, մասնակցությունը բարձր է։ Չէ, նույն ձև է, ոնց որ մնացած տարիներին է եղել, նույնն էլ այս տարի է»,- ընդգծել է Ավետիսյանը։ Մանրամասները՝ տեսանյութում։ Լևոն Վահրադյանը՝ թիմակիցների բերման ենթարկման և Արթիկում արձանագրված ընտրախախտումների մասին․ ՏԵՍԱՆՅՈւԹ ՔՊ-ի վստահված անձը սպառնացել է հանձնաժողովի անդամներին՝ ասելով «ընտրություններից հետո կյանք կա»․ Սաքունց․ ՏԵՍԱՆՅՈւԹ ՏԻՄ ընտրություններ․ որտեղ է գրանցվել ամենաբարձր և ամենացածր մասնակցությունը