Էլվիս Փրեսլիի երաժշտության հեղինակային իրավունքների սեփականատերերը դատական հայց են ներկայացրել արհեստական բանականության մոդելներ մշակող Anthropic ընկերության դեմ՝ մեղադրելով նրան հեղինակային իրավունքների խախտման մեջ։ Այս մասին հայտնում է The New York Times-ը, որին վկայակոչում է The Insider-ը։ Հայցվորները պնդում են, որ ընկերությունն իր արհեստական բանականության մոդելներին ուսուցանելու համար օգտագործել է Փրեսլիի 274 երգ։ Դատական փաստաթղթերում հիշատակվում են երգչի այնպիսի հիթեր, ինչպիսիք են Return to Sender, All Shook Up և Can’t Help Falling in Love երգերը։ Ընդհանուր առմամբ, ընկերությունից պահանջում են 41 միլիոն դոլարի փոխհատուցում կամ յուրաքանչյուր երգի համար՝ 150 հազար դոլար։ Anthropic-ին մեղադրել են իր բիզնես մոդելն «աննախադեպ մասշտաբներով հեղինակային իրավունքների խախտման» վրա կառուցելու մեջ։ Ընկերությունում, սակայն, հայտարարել են, որ համաձայն չեն ներկայացված մեղադրանքների հետ և մտադիր են պաշտպանվել դատարանում։ Անցյալ շաբաթ մշակող ընկերության դեմ նմանատիպ հայց էր ներկայացրել նաև Reservoir երաժշտական ընկերությունը։ Այն նույնպես Anthropic-ին մեղադրել է հեղինակային իրավունքների սեփականատերերի թույլտվության բացակայությամբ ավելի քան 850 ստեղծագործություն Claude չաթբոտի ուսուցման համար օգտագործելու մեջ։ Այդ դեպքում հայցը վերաբերում էր Մադոննայի և այլ կատարողների երգերին։ Թարգմանությունը՝ Էմմա Չոբանյանի Meta-ն տուգանվել է ռեկորդային՝ 25 միլիարդ դոլարով՝ օգտատերերին գաղտնիության հարցում մոլորեցնելու համար Հայաստանում AI գործարան կառուցած Firebird-ի մասին է խոսել NVIDIA-ի ղեկավարը Ամբողջ աշխարհում սպասում են կիբերհարձակումների, հայտնաբերվել են կրիտիկական խոցելիություններ